Posts
يمكن يكون الموضوع أُثير كثيراً ،وزهقنا كلام عنه لكنه يستحق حقيقةُ ، خاصةً مع الإنحدار المستمر.... فلازلنا بنشوف البدع في الحجاب ويمكن آخر حاجة شوفتها واستفزتني جداً كان "الإسدال"، طبعاً "الإسدال" أصبح دلوقتي موضة العصر والبنات بيتفننوا في مسايرة تلك الموضة ،تلاقي البنت لابسة إسدال حلو كده ومُحترم ، لكن الحلو دايماً مابيكملش لازم تبوظ حجابها بتقليعة مُلفتة للنظر ،فتلبس "طُرح" ملونة بألوان فاقعة ومُلفتة ،و تلبس معصم بلون الطرحة وترفع كم الإسدال للكوع عشان المعصم يبان وهكذا،وده كُله طبعاً لأنها لابسة الإسدال على إنه موضة أو تقليعة مش لأنه بيوفر أهم شروط الحجاب الشرعي
وآخر تقليعة للإسدالات كان الإسدال "المطرز" تلاقي حروف الإسدال إمّا مطرزة أو منقوشة أو عليها شرايط دانتيل بطول وعرض أطراف الإسدال....
والله حرام عليكم فعلاً تشويه الحجاب بالمنظر ده ، يا إما تلبسي الحاجة صح يا متلبسيهاش
بأي حال ، من أجمل الحلقات اللي اُثيرت عن الحجاب كانت حلقات "مصطفى حسني" في برنامج خدعوك فقالوا ، بالأسفل رابط الحلقتين
خدعوك فقالوا -حلقة خاصة عن الحجاب1
خدعوك فقالوا - حلقة خاصة عن الحجاب 2
وعلى الفيس بوك حملة ليكن حجابك صح
محاولة لنشر الحلقات والحملة ،لعلّ وعسى....
12 comments:
السلام عليكم
كيفك يابنوته ..
طيب زى ماقلت لك فى مره ان الاسدال نفسه فيه مشكله خاصه فى الشتا او فى اى وقت بيكون هوا او رياح
لانه بيتجسم على الجسم مع اتجاه الهو وده بيخليه بشع بجد ..
الحقيقه كان عجبنى وقلت خلاص أجرب وهيكون مريح فى اللبس بس لقيته العكس تماما بقيت نفسى اوصل البيت عشان اشيله ..
ومعاكى انه بقى موضه اغلب من كونه التزام عن كتير من البنات .. يمكن ظن انه بيجمع بين كونه فضفاض وروش على الموضه !!.
سلام ياقمر
أولاً : أنا بعتذر عن نشر ردود الفتيات فقط والأمر بأكمله ليس بتحيز أو ما شابه ،على العكس أنا أعتز بردود الجميع ويشرفني مجرد مروركم فقط ... لكنّه فقط إتقاءً للشبهات .... فنستمحيكم عذراً ولكم جزيل الشكر على اهتمامكم وتواجدكم وربنا يجازيكم خير
يوجينا
هو يمكن من مميزات الإسدال إنه سهل اللبس ،في أي وقت هتلبسي وتنزلي من غير لا مكوى بقى ولا غيره ، لكن فعلاً أنا بحس إنه بقى موضه أكتر من كونه التزام
ماتبقيش تغيبي كتير :)
*
*
يمكن البعض ترتدينه على أساس إنه حجاب شرعي فمافيش مانع يزوقوه شوية ... الله أعلم بالنوايا طبعاً لكن المشكلة في اللي بيزوقوه كتير مش شوية بس
ربنا يهدينا جميعاً
الموضوع جدا مفيد
مهم وفعلا فالصميم
جزاك الله خيرا على التدوينه
وجعلها في ميزان حسناتك يا رب
دمتي بحفظ الله :)
السلام عليكم ورحمه الله وبركاته
-----------------------------
حبيبتى تسلمى لطرحك الموضوع لانه مهما طرح من مرات فهو فى كل مره نراه بشكل مختلف ونجد ان الامر يزادد سوء
اتمنى من الله ان يوفق جميع فتيات المسلمين الى مايحبه ويرضاه
ولكن لى تعقيب فى موضوع الاسدال
ارى انه لا يعجبك وايضا هذا رأى الاخوات الفضليات من قبلى
وانا معكم انه اصبح موضه وان اغلب ممن يرتدينه يستهويهم الشيطان ويعملون على تجميله وتزينه
الا من رحم ربى
ولكن هل هذا سبب لان نعترض على ارتدائه بحجه هؤلاء الفتيات
بالعكس حبيبتى ارى ان نشجع الجميع على ارتدائه ولكن بالطريقه الصحيحه وليس لان البعض اضفن اليه اشياء فيصبح محرم على الجميع
بل ندعوا الاخوات اللاتى يتعمدن الزينه فى المظهر الى الهدايه والتحشم ونذكرهم بقوله تعالى
وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُون
والله لو امعنت الفتيات المسلمات فهمها لفعلن كما قال ابن عباس
أمر الله نساء المؤمنين إذا خرجن من بيوتهن في حاجة أن يغطي ، وجوههن من فوق رؤوسهن بالجلابيب ، و يبدين عينا واحدة [a] .
و تفسير الصحابي حجة ، بل قال بعض العلماء : إنه في حكم المرفوع إلى النبي صلى الله عليه وسلم . و قول ابن عباس رضي الله عنهما : ويبدين عينا واحدة إنما رخص في ذلك لأجل الضرورة ، و الحاجة إلى النظر في الطريق ، فأما إذا لم يكن هناك حاجة ، فلا موجب لكشف العين .
اللهم اهدى واستر بنات المسلمين
اللهم امين
---------------------------------
سيدتى الجميلة
شكرا للبوست و تحميل الحلقات ، بالفعل أسلوب أستاذ مصطفى حسنى متميز على بساطته
جزاك الله خيرا
ـ ـ ـ ـ ـ
على الهامش : روز مدونة ضى القمر التى تضعينها بها أشياء لا تليق ، أعتقد أصابها فيوس أو ما شابه ..
أزيليها لو تستطيعين
فعلا من الامور المستفزة جدا الحجاب الملفت يمكن كنت كدة قبل ما البس العبايه وكان حجابى على احددث صيحات الموضه بس للاسف مش كنت اعرف ايه شكل الحجاب الشرعى وعندما علمت به الحمدلله بفضل الله التزمت به
بس للاسف بادوخ لغايه لما الاقى عبايه ليس بها تتطريز يعنى البنات ممكن يكونوا مش عارفين الصح فين اتمنى لنا ولهم الهدايه اللهم امين
أقصوصة:
ربنا يجازيكي خير
وأهلاً بيكي دايماً :)
لؤلؤة الرحمن
لم نعترض على ارتداء الإسدال
أحنا بنقول ياتلبسي الحاجة صح يامتلبسيهاش ، لو أنتي أخداه على أنه رداء "شُهرة" يبقى بلاش منه ،للأسف الحاجب الغلط والنقاب الغلط والتصرفات الغلط من الطائفتين بيخلينا بإستمرار نسمع كلمة "وأهي مُحجبة" أو "وهي مُنقبة" ... أحياناً كتير بحس إن المحجبات نفسهم محتاجين للوعي والنصيحة أكتر من عدم المحجبات
وربنا يهدينا جميعاً
شكراً جزيلاً عزيزتي لإضافتك الجميلة وربنا يجازيكي خير
فريدة
أشرقت الأنوار :)
العفو يا فندم بس الحلقات مرفوعة بواسطة موقع الأستاذ مصطفى حسني ،أنا ما فعلت سوى النقل ... حقيقي بيعجبني أسلوبه بالإضافة لتوجيهاته الصحيحة تماماً بعيداً بقى عن أي "مسكة حبل من النص" ربنا يستر بس ويستمر على نفس النهج
شكراً فريدة للمرور والرد:)
نسيت يافريدة صحيح
على الهامش برضو : تمت الإزالة يافندم معذرة على الخطأ ،فلم أنتبه
ألف شكر يافندم للفت النظر:)
رفقة:
أهلاً أهلاً
ربنا يرزقك الثبات يارب
يمكن زمان كان في قصور في الوعي الديني ،لكن أعتقد إننا دلوقتي على الرغم مما يحدث لا نستطيع إنكار الصحوة الدينية ، والمعرفة الدينية الي بقت في متناول الجميع ، ومع ذلك بنحاول قدر الإمكان التبلييغ والنصيحة
وبالنسبة للعبايات ،أذكر إن من أربع سنوات كده تقريباً ماكنتش بلاقي محل واحد للعبايات ، فكنت بفصل ، دلوقتي بعد ما انتشرت المحلات المتخصصة في العبايات عمري ماعرفت أشتري واحدة ،بسبب اللي بتقولي عليه ده ، يا إما الألوان ملفتة يا إما العباية مطرزة يا إما لا تمت للعباية بصلة أصلاً وألاقي العباية في النهاية عبارة عن تونك قصير وبنطلون،عشان كدة ماحاولتش أبداً إني أشتري عباية ،والتفصيل الحمد لله قايم بالواجب
فعليكي وعلى التفصيل بقى وأمرك لله
شكراً يا جميلة على المرور:)
تحياتي:)
Post a Comment