Posts
شارف صراع الرئاسة الأمريكية على الإنتهاء وبدأ العدّ التنازلي لإعلان الإمبراطور القادم للعالم...وكثيرين بإنتظار ماستسفر عنه النتائج؟
أوباما ولا ماكين؟ماكين ولا أوباما؟
أوباما ولا ماكين؟ماكين ولا أوباما؟
في قديم الزمان -ومش زمان أوي يعني- وأنا أقرأ روايات رجل المستحيل وملف المستقبل وكلاتاهما كانت تتضمن صراعات لمنظمات وأفراد للسيطرة على العالم كنت لا أستطيع أن أتمالك نفسي من الضحك عندما أتخيل الموقف وإن في واحد بس هو اللي هيحكم العالم ده كله ؟طيب إزاي؟ ناهيكم عن إن كل المحاولات دي كانت بتبوء بالفشل...تذكرت كل هذا وأنا بأطرح على أخي تساؤل : فكرك مين أحسن أوباما ولا ماكين؟
إحنا منتظرين تنصيب الإمبراطور الجديد وبندعي ربنا ونقول يارب يكون "حنيّن" علينا شوية ،مش زي العمّ بوش ....
يعني مصير العالم بأكمله أصبح مّعلق على "فرد" واحد ...الجميع يترقبه ... ينتظره ... يحسب حساباته ،لو ماكين هيحصل كذا ولو أوباما يبقى كذا ...
فرد واحد أصبح يتحكم بمصائر دول ....
مش عارفة حقيقي أمتى هتبقى مصائرنا بإيدينا ؟أمتى مش هنبقى مستنيين غيرنا يقرر عنّا ؟
أمتى هنبقى "أمّة" عندها شخصية مستقلة مش مجرد تابع وظل للغير؟
وإلى أن نجد الإجابة أدينا مستنيين :
أوباما
أو
ماكين
8 comments:
زى ما قولتِ
اوباما
او
مكين
الاتنين
دكتاتوريين
واحنا هنفضل
زى ما احنا
تابعين
بس اقولك حاجة؟
المرحلة الجاية
ستشهد سقوط امريكا
والبداية كانت بالازمة المالية
والقادم أصعب
ان شاء الله
تحياتى
واضح إنى نبيل فاروق كان عنده نظرة ثاقبة للأمور
فكرتينى بأبيات شعر تعبر عما وصلنا اليه
إني تذكرتُ والذكرى مؤرقةٌ..............مجداً تليداً بأيدينا أضعناه
أن اتجهت إلى الإسلام في بلد............. تجده كالطير مقصوصا جناحاه
كم صرفتنا يد كنا نصرفها................وبات يملكنا شعب ملكناه
استرشدَ الغربُ بالماضي فأرشده...........ونحنُ كان لنا ماضٍ نسيناه
إنا مشينا وراء الغربِ نقبسُ من...........ضيائهِ فأصابتنا شظاياهُ
باللهِ سل خلفَ بحرِ الروم عن عرب....... بالأمسِ كانُ هنا واليومَ قد تاهوا
وانزل دمشقَ وسائل صخرَ مسجِدها......عن منً بناهُ لعل الصخرَ ينعاهُ
هاذِ معالمُ خرسٌ كل واحدة ...............منهن قامت خطيباً فاغراً فاهُ
اللهُ يعلمُ ما قلبتُ سيرَتهم يوماً.............وأخطاءَ دمعُ العينِ مجراهُ
لا درَ درُ إمرءٍ يطري أوائله...............فخراً ويطرقٌ إن سألتُه ما هو
يا من يرى عمراً تكسوه بردتُه.............والزيتُ ادمٌ له والكوخُ مأواهُ
يهتزُ كسرا على كرسِيه فرقاً..............من خوفه وملوكُ الرومَ تخشاه
إنا لله وانا إليه راجعون
تحياتى على الموضوع الرائع والأسلوب الأروع
لازلت فى إنتظار إجابات التاج ولا تنسى أن تمرريها لأصدقائك وأحبابك
دمتى بود أختى العزيزة
كاميليا
بس اقولك حاجة؟
المرحلة الجاية
ستشهد سقوط امريكا
والبداية كانت بالازمة المالية
والقادم أصعب
آمين يارب ....نشوف فيهم يوم عن قريب كده بس المشكلة إن كله على دماغنا في الآخر
بأي حال إن غداً لناظره قريب
تحياتي لكي كاميليا وشاكرة مرورك :)
mohamed ghalia
أهلاً أهلاً يافندم
أيوة واضح فعلاً إن دكتور نبيل كان عنده نظرة ثاقبة ...مستنيين تتحقق مع رجل المستحيل بقى :P
وواضح كمان إنك بتختار أبيات شعر في الصميم :)
و تحياتي أنا يافندم لتواجدك الدائم وردودك الجميلة والتاج في أمااااان ... بجاوبه أهو وأول ماينتهي هنزلة على طول وأمرره لكل الناس ... شكراً جزيلاً يافندم :)
تحياتي
أعتقد الموضوع موضوع إدارة مش فرد
لأن دي بتبقى مؤسسة كاملة مش إمبراطور واحد
زي مجلس الشيوخ في روما القديمة
و كانت امبراطورية برضة
***
الغرض...
مازلنا مستنيين
بس متفق مع كاميليا
الإمبراطورية في طريقها للزوال
إن شاء الله
الله يستر من القادم:)
al azif
كلامك مظبوط فعلاً ،وإن كانت تلك الإدارات متمثلة في أفراد
وأدينا برضو مستنيين
وربنا يسمع منك ومن كاميليا
تحياتي يافندم لتواجدك وردودك
أقصوصه
الله يستر من القادم
يااااارب
Post a Comment