Tinker Bell

"تينكر بل" فيلم من أفلام والت ديزني إنتاج 2008 الفيلم ثري دي،

عن "تينكر بيل" شخصية من شخصيات "بيتر بان" .

"تينكر بيل" جنيّة اتولدت من ضحكة طفل صغير ،وأخدتها الرياح لأرض الخيال "نيفر لاند" ،عشان تلاقي نفسها هناك بين مجموعة من الجنيات الصغيرة .من المفترض إن كل جنّي وجنيّة ليه موهبة بتتحدد من لحظة ميلاده عشان يعرف هتبقى وظيفته أيه في أرض الخيال بناءً على موهبته.

"تينكر بيل" كان عندها موهبة تصليح وتركيب الأشياء ، كان في جنيات كتير عندها مواهب تانية "تينكر بيل" كانت شايفة أنها أجمل وأفيد كتير من موهبتها ،خصوصاً أما شافت استعراض بعض الجنيات لمواهبها ،وأما عرفت إنهم ممكن يروحوا "الأرض البعيدة" - أرض الإنسان- لكن هي هتفضل على طول في أرض الخيال تصلح وتركب وخلاص.

شافت إن شغلها مالوش لزوم وإن الجنيات التانية بتخدم اللي حواليها بشكل أفضل،حاولت كتير إنها تجرب المواهب التانية ،لكن كل مرة كانت بتفشل فشل ذريع، وكانت النتيجة إنها قصرت في شغلها اللي أثر بالتالي على شغل باقي الناس،لأن كل الجنيات بتعتمد عليه،وفي نفس الوقت بوظت شغل باقي الجنيات....

الفيلم جميل جداً ، والرسوم المتحركة اللي بنظام ثري دي تحفة فعلاً ....

كل مابتيجي فرصة بتفرج عليه.

أول مرة اتفرجت عليه كان جاي على مزاجي أوي لأنه بيعبر عن حالة شايفاها في ناس كتير ... ناس تحاول تاخد مكان مش مكانها ،أو تعمل حاجات مش من اختصاصها.

دايماً الإنسان دايماً بيبص على اللي مش في إيده ،ويتناسي اللي معاه.
لو كل الناس تعمل بمبدأ :مقامك حيث أقامك" ماكنش ده بقى حالنا.

ماعلينا ....سيبكوا من كل ده ،و عيشوا مع "تينكر بيل".

http://www.youtube.com/watch?v=MHb_kS7bMzw