بقى عندنا معرض

معرض مكتبة الإسكندرية الدولي للكتاب طبعاً

تم فتحه للجمهور يوم الخميس 19-2 و يستمر حتى 5 مارس

المعرض بتشارك فيه دور نشر كتيروفي جناح سعودي وجناح كويتي

بالإضافة لجناح خاص بمكتبة الأسرة طبعاً

وسور النبي دانيال بقى .... أخو بتاع الأزبكية

أخوه الصغير :)

هو صغير خالص وفيه روايات الهلال اللي بيعرضوها بأسعار مخفضة جداً 2 جنية ،واللي سمعت إنه كان موجود في معرض القاهرة بعد مارجعت طبعاً

طبعاً المعرض كله على بعضه مايجيش بحجم صالة واحدة من صالات معرض القاهرة ، لكن موفرين جو معرض القاهرة خالص السنة دي ،وعاملين فوود كورت صغنن على قدهم كده ،تحس إنك داخل نموذج مصغر جداً جداً جداً لمعرض القاهرة ، طبعاً أنا من أول زيارة لفيت المعرض كله وصرفت كل ما أملك ، فمش هدخله تاني غير أول الشهر بإذن الله

لكن في ندوات وأمسيات ثقافية وحفلات توقيع،

وهتلاقوا في الوصلة اللي تحت دي مواعيد بالندوات

http://www.zshare.net/download/5603211202f87a3e/

المعرض السنة دي شكله جميل أوي غير كل سنة ،فماحدش يفوته

*

*